Die een wat alles sien…
So kry ek toe laasweek ‘n email van Discovery Vitality wat my inlig dat ek voor 31/03/2011 die gym 20 keer moet besoek as ek nie my afslag tarief wil verbeur nie.
Sug.
Ek hou nie eens van gym nie. En ek het my rug twee naweke terug seergemaak. En hoe het ek my rug seergemaak? Deur ‘n klein bakkie lasagne uit die oond te haal. Klieks, en uit is my rug.
Nouja. Sederd ek die email gekry het was ek darem al drie maal daar. Help my duim vas hou date k so kan volhou.
En, oja, ek het al 50g verloor!
Geagte vriende,
Wat ‘n jaar was dit nie… Vir die eerste keer in ‘n lang tyd het ek ‘n vinnig genoeg internetkonneksie en genoeg tyd om vir julle ‘n ou possie te kom skrywe.
Adam is deesdae ‘n onderwyser.
Oraait… Hou nou maar op met lag. Ek gee Engels huistaal by ‘n swart privaatskool buite Pretoria. En snaaksgenoeg geniet ek dit nogal. Die onderwys as sulks is nie te bad nie, as dit net nie vir die kinders was nie… Ek het altyd gesê ek sal nooit kan skool hou nie want ek dink die dom kinners sal my irriteer. Dis toe nie so nie. Mens ignoreer hulle maar net.
Ek het ‘n paar Graad 8 klassies en een Graad 11 klas. Die weird ding is dat hulle nogal bang is vir my. Seker omdat ek manlik en wit is. Hulle hoef nie te weet watse softie ek eintlik is nie.
My studies word bietjie afgeskeep. Ek het toe wel my honeurs gekry. (Applous). En is besig met my PGCE (dis die ou HOD vir die van julle wat nie weet nie). Ek het ook intussen besluit om nie meer Kliniese Sielkunde te doen nie, maar Opvoedkundig. Ongelukkig moet ek nou opvang met die opvoedkunde. Dis waar die HOD inpas. Dis die kortpad. Die langpad sou wees om Opvoedkunde III by te werk, en dan my honeurs oor te doen. Instede daarvan doen ek nou HOD, en volgende jaar doen ek 3 vakke ter wille van B.Ed ekwivalensie. Dan kan ek volgende jaar hierdie tyd aansoek doen vir M.Ed Psig.
Dit klink erger as wat dit is.
Met almal tuis gaan dit ook goed:
Oja. Amper vergeet ek die grootste nuus van als. Op Sondag 22 Junie (let wel: die eerste naweek van my Junie-Julie vakansie) besluit my blindederm om te bars. Dit was ongeveer 16:30. Op daardie stadium dog ek dis ‘n niersteen, aangesien als suid van my naeltjie toe in spasma gaan. Almal by die hospitaal wil net hê ek moet vir hulle pee, maar niks kom uit as gevolg van die spasmas nie. Terwyl ek vir die dokter wag trek ek my broek tot op my bobene af. Die dokter kom in die ondersoek kamertjie in en sy eerste woorde is: “Vir wat lê jy nou so?” Ek antwoord toe: “Want dis moer seer en gee so gou as moontlik vir my iets vir pyn!” Na ‘n vinnige catscan kom hul toe agter dis die derm en nie ‘n steen nie.
Half nege die aand kry ek ‘n noodoperasie. Voor die tyd sê die nurste vir ons dis ‘n vinnige prosedure. Net ‘n halfuur dan’s ek uit die teater. Twee ure later begin Andries erg bekommerd raak. Dis omdat die span toe eers op die tafel besef dat die dinges actually gebars het.
Vyf dae later is ek by die huis sans blindederm. En nee, hulle het hom nie vir my in ‘n botteltjie gegee nie…
Sederdien sukkel ek met maagpyn etc. Ek gaan toe op ‘n streng dieet. In die sowat drie maande vanaf die operasie het ek nou al amper 10kg verloor! And proud of it!
Oja, ek het ‘n nuwe kar ook gekry. Ek het vir Katinka verkoop en vir Tebogo aangeskaf. Katinka was ‘n 1996 VW Chico. Tebogo is ‘n 2006 Renault Clio 1.2 VaVaVoom. En haar petrolverbruik is onverbeterlik! Dit was die hoofrede vir die transaksie, aangesien ek daagliks omtrent 100km moet ry. Sy het gister haar 45 000km diens deurgemaak.
“Wat vir ‘n naam is Tebogo?” vra een van my vriende na die aankoop, “Jy kan haar nie Tebogo noem nie. Sy’s dan wit!”
Nouja, laat ek nou maar vir eers groet. Hopelik hoor jul nie eers weer oor ‘n jaar van my nie.
Groetnis,
A.
Oupa Frans
Francois Jacobus van Zyl
(6 Mei 1913 – 2 Junie 2008)
…maar ly aan akute internetlessness.
En hy is deesdae ‘n onderwyser.
En hy het reeds sy eerste onderwyspos bedank.
En hy begin volgende kwartaal by ‘n ander skool.
Hy kom vertel jul alles as Telkom so ver sal kom om vir hom ‘n telefoon te bring…
Sonder om dit te Google, wie kan uit sy kop uit vir my sê wat is of waar kry mens die “Superior Olive” en die “Motor Strip”?
Soos meeste van julle weet, is ek besig om te swot vir my eksamen in Januarie, en ek het gedink dit sal ‘n lekker raaisel wees…
Die wenner kry ‘n stywe handdruk en ‘n soen op die wang (miskien dalk ‘n boksie tuisgebakte kersfees koekies ook, as jy naby genoeg aan my woon).
Onthou julle nog hierdie rubriek van my (op my vorige blog)? Ek het eintlik laasweek al besef dat ek dit mis en graag weer wil laat herleef.
Wat ek die naweek van 24 November geleer het:
Wat ek die afgelope naweek geleer het:
Soos julle seker kan aflei was die vorige naweek baie meer eventful as die afgelope een. Die afgelope een was geweldig besig, maar het nie veel lesse ingehou nie…
Wederom…
Anja het my eerste getag, en Sonkind tweede.
Ek het al soveel van hierdie tipe goeters gedoen dat ek mooi sal moet dink om myself nie te herhaal nie. Hier is dit:
Ek hoop julle het dit baie insiggewend gevind.
Die persoon wat eerste vir my die aanvaarbaarste Afrikaanse woord kan gee wen ‘n soen en ‘n druk.
Julle het seker gedink ek is reeds oorsee, aangesien ek so min post. Man, dinge staan so…
Ek gaan vir eers nie oorsee nie. Ek bly net hier. Dis nogal amazing hoe die universe werk. Dinge wou net nie in plek val met die hele Thailand storie nie. Ek het ongelukkig reeds bedank, en my baas was reeds besig om haar dinge vir volgende jaar te reël, so my angsvlakke het bietjie begin styg. Ek had tot die 15e November om te besluit waar ek gaan, aangesien die 15e die afsny datum was vir die verandering van mens se eksamensentrum. Ek besluit toe om liewer te bly en my eksamen klaar te maak. As ek my graad kry stoot dit my emigrasiepunte vir Kanada op. Gaan ek Thailand toe, swot ek niks vir my eksamen en druip, skiet ek myself in die voet t.o.v. Kanada.
Ek het skaars die besluit geneem of daar verskyn ‘n nuwe werksaanbod op die horison. Min of meer dieselfde as wat ek nou doen, vir meer betaling. Die hoof van die praktyk gaan hierdie week met verlof, en sal ‘n afspraak met my maak vir die eerste week van Desember. Die pos is vir Januarie.
Ek beplan om dan bietjie geld te spaar sodat ek en Andries volgende jaar die Camino de Santiago in Spanje kan gaan stap. Dit is lankal een van my drome, en lyk skielik of dit bewaarheid kan word. Ek is vrek opgewonde. Ons behoort so ses na agt weke daaraan te spandeer, waarna die wêreld my oester of pêrel of iets sal wees.
My spiritual teacher sê vir my sy het geweet ek sal nie nou al oorsee gaan nie, maar sy mag dit nie vir my gesê het nie… Don’t you just hate that?!
Ek het intussen weer die kwas opgeneem en met kunsklasse begin. Dis lekker om weer te verf.
Ek het ook gisteraand begin swot vir my eksamen. Ek is besig om my deel van die werk op te som vir volgende week se spanbyeenkoms. Daar is ‘n paar dames wat my gekontak het met die versoek dat ek hulle studiegroepie sal join. Ek was natuurlik meer as gewillig. Ek het kort naby ‘n angsaanval gedraai na ons eerste byeenkoms toe ek besef hoe baie werk en hoe min tyd ek het. Ek skryf einde Januarie, so julle kan net imagine wat se lekker Desember ek gaan deurbring.
Maar nou mag ek nie verder vertel nie…
Gister was ‘n roaring sukses. Ek het pragtige geskenke gekry. Baie dankie. Ongelukkig was daar nie ‘n digitale kamera tussen-in nie, en sal julle maar tevrede moet wees met my selfoon se foto’s.
Ek het dit goed gedink om my en Andries se handewerk af te neem (met my selfoon). Die foto’s is maar swak, want dis geneem met my selfoon. Ek het nie ‘n digitale kamera nie, hoogstens ‘n selfoon. Die foto’s is onderbelig en uit fokus, want dis geneem met ‘n selfoon.
Kersfees is om die draai. Raai wat is bo-aan die lysie? Nie ‘n selfoon nie.
Ek het besluit om my hand te waag aan ‘n Swartwoudkoek. Dit was nogal ‘n sukses, en het groot aftrek gekry. As jul mooi vra sal ek die resep gee. Dit was nogal ‘n tydrowende proses. Hier is die resultaat:
Andries het sy jogurt tert gemaak. Dit is amper soos ‘n kaaskoek, maar word met jogurt en room gemaak. Dit smaak ongelooflik lekker, en is effens ligter as ‘n kaaskoek in tekstuur. Hier is sy poging (die stuff bo-op is pistasio neute en heuning):
Die Blou Oog 
Nuwe Kommentaar